|
 |
|||||||||||||||||||||||||||||||||||||||||||||||||||
 |
||||||||||||||||||||||||||||||||||||||||||||||||||||
Mentoring ass e Prozess, wou eng erfuere Persoun (Mentor / Mentorin) déi berufflech a perséinlech Entwécklung vun enger manner erfuerener Persoun (Mentee) ënnerstëtzt. D’Relatioun « one-to-one » erméiglecht d’Entdeckung an d’Entwécklung vum Mentee senge Potenzialer (Talenter, Kompetenzen) an dat ausserhalb vun engem schouleschen Kontext. Den M-ProJ Mentoring Programm ass eng Hëllefsmoossnam zur berufflechen Orientéierung déi de Lien tëschent der Schoul an der Aarbechtswelt favoriséiert. M-ProJ mécht deene Schüler eng individuell Begleedung méiglech, déi net onbedéngt an hirem noem Ëmkrees op beruffstäteg Leit treffen kënnen, déi prett an fäeg sinn, si an der schwiereger a wichteger Etapp vun der Studien- an Beruffswiel ze ënnerstëtzen. Besser wéi bei engem Stage an enger Entreprise, erlaabt dëse Mentoring Programm der jonker Persoun vum Bléck vun engem neutralen an guttwëllegen Erwuessenen ze profitéieren, onofhängeg vun dem Schoulsystem oder der Famill. Den individuellen Austausch tëschent Mentee an Mentor dréit dozou bäi datt de Schüler säi beruffleche Projet weiderentwéckelen an räife loosse kann an, falls erwënscht, och méi perséinlech Sujeten uschwätze kann. D’Treffen tëschent den « Mentor-Mentee » Tandem, dee mat groussem Soin vun der M-ProJ Equipe zesumme gesat gëtt, erméiglechen dem jonke Participant seng Kenntnisser iwwert e bestëmmte Beruff weider ze entwéckelen, déi verschidden Aufgabe kennen ze léieren, ze wësse wéi eng Kompetenzen datt ee muss hunn fir dëse Beruff auszeüben, mee awer och ze wëssen wat fir Schwieregkeete mat dësem Beruff verbonne kënne sinn. Et kënnt vir datt den Dramberuff vun engem jonke Mënsch sech als eppes ganz aneschtes erausstellt wéi dat wat hien oder hat sech virgestallt huet! Déi verschidden Treffen erlaben dem Mentee ausserdeem e konstruktive Feed-back vum Mentor ze kréie wat den „savoir-être“ betrëfft - virun allem an deem Moment wou hien oder hat mat schaffen ufänke wäert. Ganz oft entwéckelt sech eng besonnesch wäertschätzend Relatioun tëschent Mentee a Mentor an et kënnt souguer heiansdo fir dat de Kontakt no dem M-ProJ Programm nach weider bestoe bleift, och wann dat net obligatoresch ass. Eng Réi vun interaktiven Aarbechtsgruppe fir d’Mentoren an d’Menteeën déi ugebuede ginn, completéieren den M-ProJ Mentoring Programm. Den M-ProJ Programm ass zënter 2012/2013 scho mat 16 Lycéeën an 1028 Schüler duerchgefouert ginn.
|
Den M-ProJ Mentoring Programm am Detail…
|
|||||||||||||||||||||||||||||||||||||||||||||||||||
